Хитойда 267 болани тарбиялаган "супер ота" бутун дунёга танилди
Хитойда мактабда жисмоний тарбия ўқитувчиси бўлиб ишлаган Бай Цзян 267 нафар етим ва қаровсиз қолган болани вояга етказгани билан кенг танилган.
South China Morning Post нашри маълумотига кўра, 52 ёшли бу инсон ўзининг фидойилиги сабаб "супер ота" номини олган.
Бай Цзян камбағал оилада дунёга келган ва спортдаги ютуқлари орқали коллежга кириш имконига эга бўлган. Кейинчалик у ўқитувчилик фаолиятини бошлаган.
Иш жараёнида у ташлаб кетилган ва қараб турувчисиз болаларга дуч келиб, уларни ўз қарамоғига ола бошлаган. Вақт ўтиши билан бу болалар сони ортиб борган.
Молиявий қийинчиликларга қарамай, у қарз олиб ва қўшимча ишлар қилиб, болаларни тарбиялашни давом эттирган. Уларнинг катта қисми спорт, таълим ва турли касбларда юқори натижаларга эришган.