Картангизда 1,236 млн сўмдан кам бўлса нима бўлади?
2024 йил 15 апрелдан бошлаб Ўзбекистонда банк карталаридан маблағларни тўлиқ “нолгача” ечиб олиш амалиётига чеклов жорий этилди. Uzcard тўлов тизими маълумотига кўра, эндиликда молиявий ташкилотлар кредитлар, муддатли тўловлар, микрокредитлар ва бошқа қарз мажбуриятлари бўйича картада маълум минимал қолдиқни сақлаб қолиши шарт.
Янги қоидага мувофиқ, банклар картада камида базавий ҳисоблаш миқдорининг 3 баравари, яъни 1 миллион 236 минг сўмдан кам бўлмаган маблағни қолдириши керак. Демак, агар картада ушбу суммадан кам пул бўлса, банклар автоматик тарзда маблағ ечиб олиш имкониятига эга бўлмайди.
Бу ўзгариш аҳоли молиявий хавфсизлигини таъминлаш, фуқароларни тўлиқ маблағсиз қолиб кетиш ҳолатларининг олдини олиш мақсадида жорий этилгани таъкидланмоқда.