Россия ва Венгрия муносабатлари яна муҳокама марказида бўлди
Россия президенти матбуот котиби Дмитрий Песков Кремль Венгрия парламент сайловларида ғалаба қозонган “Тиса” партияси етакчиси Петер Магярни табрикламаслигини маълум қилди.
Унинг таъкидлашича, Москва “дўстона бўлмаган давлатлар”га табрик йўлламайди ва Венгрия ҳам шундай мамлакатлар қаторига киради. Песков бунга сабаб сифатида Будапештнинг Россияга қарши санкцияларни қўллаб-қувватлаётганини келтирди.
Шу билан бирга, Кремль вакили Россия Венгриянинг янги сиёсий йўналиши қандай бўлишини диққат билан кузатишини билдирди. У Москва ҳар доим ўзаро манфаатли ва прагматик муносабатларга очиқ эканини ҳам қўшимча қилди.
Эслатиб ўтамиз, Венгрияда бўлиб ўтган парламент сайловлари Европа Иттифоқи ва Киев билан боғлиқ сиёсий кескинликлар фонида ўтказилди.