Ўзбекистонда хизмат кўрсатган актриса Гулчеҳра Саъдуллаева 76 ёшни қарши олди
Ўзбекистонда хизмат кўрсатган актриса Гулчеҳра Саъдуллаева 12 апрель куни 76 ёшни қарши олди. Санъаткорнинг таваллуд куни яқинлари ва мухлислари томонидан самимий табриклар ҳамда илиқ тилаклар билан нишонланди.
Актрисанинг қизи Муқаддас Саъдуллаева ижтимоий тармоқларда онаси билан боғлиқ видеоларни бўлишиб, бугунги кунни “шукрона куни” сифатида таърифлади. У онасининг соғ-омон, бахтли ва узоқ умр кўришини тилаб, мухлислардан йўлланган табрикларни ўқиб беришини ҳам маълум қилди.
Туғилган кун муносабати билан Гулчеҳра Саъдуллаевани яқинлари кутилмаган совғалар билан табриклади. Ижтимоий тармоқларда эса мухлислар актрисага соғлик, бахт ва ижодий барака тилаб, самимий изоҳлар қолдирмоқда.