Чаллыда махсус хәрби операция зонасы өчен блиндаж-конструктор ясадылар
Яр Чаллы предприятиеләренең берсендә махсус хәрби операция ихтыяҗлары өчен күп функцияле модульле корылма ясадылар.
Блиндаж-конструкторны шәһәр мэры Наил Мәһдиевка компания җитәкчесе, шәһәр Советы депутаты Рөстәм Гәрәев тәкъдим итте.
Гәрәев билгеләп үткәнчә, корылмаларның беренче партиясе махсус операция зонасына җибәрергә әзер. Конструкция куллануның берничә вариантын күздә тота: модуль торак һәм йокы бүлмәсе, медицина пункты яки мунча буларак кулланылырга мөмкин.
«Монтаж 20 минут вакытны ала. Сүтелгән килеш биеклеге нибары ярты метр гына. Җир астында да, бинада да монтажларга мөмкин. Бу пластик, череми», - дип сөйләде Рөстәм Гәрәев.
Шәһәр мэры Наил Мәһдиев тәкъдим ителгән эшләнмәләрне югары бәяләде.
Аның кушуы буенча блиндаж-конструктор хәрби хезмәткәрләргә өстәмә рәвештә күрсәтеләчәк.