Билләһи дип килә кайтаваз(шигьрият)
Көн көнләшә миннән: Йөзең нигә,
Нурлырак ,ди, хәтта Кояштан?!
Жавап кайтарамын: Билләһи, дим,
-Кунел кояш белэн охшашкан.
Төн көнләшә миннән: Шәүләң, әнә,
Иң чибәрне кочып югала?!
Җавап кайтарамын; Билләһи, дим,
-Һэрчак мәхәббәттән көч алам.
Йолдызлар да миннән көнләшәләр,
Ай, Кояшны якын күргәнгә.
Жавап кайтарамын: Билләһи, дим,
-Якын якынрак һәрхәлдә.
Чулманым да еш көнләшеп дәшә:
-Дулкыннарга үлеп китәсең?!
Жавап кайтарамын: Билләһи, дим,
-Дулкын рухым, ни хәл итәсең?
Сандугачлар кайчак көнләшәлр:
-Безне уздырырга телисең?!
Жавап кайтарамын: Билләһи, дим,
-Жаным моңлы булгач, нишлим соң?
Хәтта, кычытканнар көнләшәләр,
Әремнәргә башым игәнгә.
Жавап кайтарамын: Билләһи, дим,
-Туган туфрак тәме килгәнгә!
Көнләшәләр, кайчак көнләшәләр,
Дус –туганнар, читләр көнләшә?
Читен булыр иде дөньялары,
Кеше үз бәһасен белмәсә!?
Җавап кайтарамын кайтаваздай:
-Билләһидер серле һэр халэт!
Көнләштереп яшик дөньяларын-
Миннән сезгә изге әманәт!
Вазыйх Фатыйхов.
Фото:superfamely.info