Әлмәтлеләр тагын җиңүче. Котлыйбыз!
Нефтьчеләр башкаласында шушы көннәрдә авиамодельчеләр арасында республика беренчелеге узды.
Булачак инженерлар, очкыч төзүчеләр арасында булган авиамодельләү буенча Татарстан ярышлары шәһәребезнең 4 нче урта мәктәбе базасында оештырылган иде. Анда Татарстанның 13 командасы ярышты. 8-14 яшьлек мәктәп укучылары үз спорт төрендә иң көчлене билгеләү өчен Азнакай, Алексеевск, Норлат, Яр Чаллы, Лениногорск, Мамадыш, Кукмара, Ютазыдан килгәннәр. Көн дәвамында аларга очу озынлыгы һәм төгәллеге буенча көч сынашырга туры килде. Әлмәтне бу ярышларда “Яшь техниклар станциясе” командасы тәкъдим итте. Нәтиҗә хуҗаларның җиңүе белән тәмамланды.