2016 ел Татарстанда Су саклау зоналары елы буларак узачак
2016 ел Россиядә - Кино елы, ә Татарстанда Су саклау зоналары елы буларак узачак. Россия Президенты Владимир Путин 2017 елны Россиядә Экология елы дип игълан иткән Указга да кул куйды.
РФ Президенты Экология елын үткәрү өчен оештыру комитетын төзергә һәм аның рәисе итеп РФ Президенты администрациясе башлыгы Сергей Ивановны билгеләргә әмер бирде. Әлеге Указ нигезендә Россия Хөкүмәте 2017 елда башкарылачак төп эшләрнең планын булдырачак, бу эшкә, әлбәттә, төбәкләр дә кушылачак.