Алабуга музеенда - әлифба күргәзмәсе
5 гыйнварда Татарстанның Алабуга дәүләт музей-тыюлыгында “Иван Теребенёвның 1812 елгы әлифбасы” дип исемләнгән күргәзмә ачылды.
Экспозициядә танылган рәссам Иван Теребенёвның 1812 елгы Ватан сугышына багышланган рәсем һәм карикатураларыннан торган балалар өчен әлифбасы тәкъдим ителә.
Балаларга Ватанны ярату, аны яклау һәм саклау турында сөйләүче бу рәсемнәр Алабугага Ульяновск шәһәрендәге “В.И.Ленин Ватаны” музей-тыюлыгы фондыннан китерелгән.