АВАРИЯ: бензовоз фурага бәрелгән
М-7 трассасында зур юл-транспорт һәлакәте килеп чыккан.
Якынча фаразларга караганда, Казанга таба хәрәкәт иткән бензовоз йөртүче руль артында йоклап киткән һәм каршы як полосага чыгып, фурага килеп бәрелгән. Ул 30 тонна ягулык алып барган. Әмма, бәхеткә, зур янгын чыкмый. Машина йөртүчеләрнең икесе дә Алабуга хастаханәсенә озатылган. Берсенең хәле бик авыр дип билгеләнә. Бензовоз руле артында Кайбыч кешесе утырган булган, фураны Екатеринбург кешесе йөрткән.