Аида Балаева премьер-министрдің орынбасары болып тағайындалды
Қазақстан президенті Қасым-Жомарт Тоқаевтың жарлығымен Аида Балаева Қазақстан Республикасы премьер-министрінің орынбасары – мәдениет және ақпарат министрі болып тағайындалды. Жарлық бүгін, 1 желтоқсанда президенттің ресми сайтында жарияланды.
51 жастағы Аида Балаева 2023 жылғы қыркүйектен бері мәдениет және ақпарат министрі қызметін атқарып келген.
Оған дейін президент әкімшілігі басшысының орынбасары, ақпарат және қоғамдық даму министрі, Қазақстан президентінің көмекшісі, Астана қаласы әкімінің орынбасары және басқа да қызметтер атқарған.