د کراچۍ ښار اوسېدونکي ښځه او مېړه د نومبر له پیل راهیسې پیاده یا پلي روان شوي او اوس د پښین تر خانوزیو ګوال سیمې رسېدلي دي. دوی وايي، غواړي ۲،۵۰۰ کېلومیټره سفر وکړي او د چین تر پولې ځان ورسوي. دوی وايي، په بلوچستان کې یې خلکو ښه مېلمه پالنه کړې او له مسلم باغ، کلا سیف الله، ژوب او شېرانیو تر تېرېدو وروسته خیبر پښتونخوا ته ځي او بیا شمال لوري ته پلی مزل کوي. هغه ښځه او مېړه وايي، دا کار د خپل شوق پوره کولو او د دې ښوولو لپاره کوي چې په هېواد کې هر ځای بې خطره، ازاد ګرځېدای شي. ویډيويي رپورټ.
