Мушкер Мунарбек Сейитбек уулу Дүйнө кубогунда күмүш медал тагынды
Кыргызстандык мушкер Мунарбек Сейитбек уулу Индияда өтүп жаткан бокс боюнча Дүйнө кубогунда 60 кг чейинки салмакта күмүш медал тагынды.
Кыргыз мушкери 20-ноябрдагы финалдык беттеште индиялык Сачин Сивачка жеңилди. Сейитбек уулу буга чейин алгач польшалык Павел Брахты 5:0, жарым финалда англиялык Уиллиям Давид Хевитти 3:2 эсебинде жеңген.
Мунарбек Сейитбек уулу - 2024-жылы Парижде өткөн Олимпиада оюндарында күмүш медал, 2023-жылкы Дүйнө чемпионатында коло байге алган. Ал ошондой эле Кыргызстандын беш жолку чемпиону.
29 жаштагы Мунарбек Сейитбек уулу Олимп оюндарында финалга чыккан алгачкы кыргыз мушкери. (AiA)