حسینه واجد وايي هغې ته ورکړل شوې د مرګ سزا سیاسي پرېکړه ده
د بنګله دېش پخوانۍ وزیراعظمې، شېخ حسینه واجد د يو ځانګړي عدالت هغه پرېکړه سیاسي بللې چې نوموړې ته یې د مرګ سزا واوروله. ځيني قانونپوهان هم دا پرېکړه يوه اړخیزه بولي. په ډاکه کې د نړیوالو جنایتونو جرګګۍ په نوم عدالت د نومبر پر ۱۷مه هغې ته دا سزا اورولې ده. پر هغې تور پورې شوی وو چې د ۲۰۲۴ کال په جولای او اګست کې د زده کوونکو پاڅون پر مهال د خونړیو کارروایانو حکم کړی وو. خو نوموړې دا تور ردوي. حسینه واجد د هغو مظاهرو په وخت کې استعفا ورکړه او هند ته ولاړه. د نوموړې پر ګوند هم بنديز لګول شوی دی.
انیسې اجمل په دې اړه د رویټرز او اژانس فرانس پرېس له ویډیوګانو دا راپور جوړ کړی دی.