Сабада 50 һәм 60 ел бергә гомер иткән парларны хөрмәтләделәр
Сабада 50 һәм 60 ел бергә гомер иткән алтын һәм бриллиант туйларын билгеләп үтүче парларны хөрмәтләделәр. Бу хакта https://saby-rt.ru/ сайтында хәбәр ителә.
Бәйрәмдә төп игътибар алтын һәм бриллиант туйларын билгеләп үтүчеләргә бирелде, юбилярларга иң матур, җылы теләкләр әйтелде. Кичәне алып баручылар катлаулы да, сокландыргыч та булган тормыш юлларын бәян итте, ихтирам-хөрмәт хисләрен җиткерде, районыбыз үзешчәннәре юбилярларның күңеленә хуш килерлек җырларны башкарды.
Өлкәннәрне Саба муниципаль районы башлыгы Рәис Миңнеханов котлады. Мөхтәрәм затларга тәбрикләү сүзләрен Республика салым инспекциясенең җитәкчесе урынбасары Андрей Никиташин, Татарстан Дәүләт Советы депутатлары Бөтендөнья татар конгрессы Башкарма комитеты җитәкчесе Данис Шакиров, шәхси эшмәкәр Нияз Аитов җиткерде.