Әлки районы башлыгына махсус операциядәге хәрби бүлек командирыннан Рәхмәт хаты килгән
Әлки районы башлыгы Александр Никошин исеменә хәрби бүлек командирыннан хат килгән. Анда десант-һөҗүм итү дивизиясендә Әлки районының уннарча ир-егетенең, Россия хәрби гадәтләрен дәвам итеп, Ватанга хезмәт итү үрнәге, батырлык һәм каһарманлык күрсәтеп, хәрби бурычларын намус белән үтәүләре турында сүз бара. Аларның күбесенә батырлыклары өчен дәүләт һәм идарәчелек бүләкләре тапшырылган. Бу хакта «Әлки хәбәрләре»ндә Лилия Шафикова яза.
«Ефрейтор Дмитрий Гуляев шундый хәрби каһарманлык үрнәге күрсәтеп махсус хәрби операциядә хезмәт итә. Көн саен намус белән хәрби бурычын үтәп, ул батырлык кылды. Күп тапкырлар хәрби хәрәкәтләрдә катнашты, хезмәттәшләренә үрнәк күрсәтеп, иптәшләрен коткарды. Дмитрий Гуляев – хәрби батырлык, каһарманлык, Ватанны ихластан ярату һәм тугрылык үрнәге. Сез якташыгыз белән горурлана аласыз», – диелә хатта.
Дмитрий Гуляев күпмедер вакыт Казанда эшли. Районга әйләнеп кайткач, Гадәттән тыш хәлләр министрлыгы бүлегендә янгын сүндерүче булып эшчәнлеген дәвам итә. Чын ир-атларга хас карарны ул үз ихтыяры белән кабул итә: 2024 елның җәендә, Россия Саклану министрлыгы белән килешү төзеп, махсус хәрби операциягә китә.