Татарстан Язучылар берлегендә Гөлшат Зәйнашева истәлегенә кичә узачак
Татарстан Язучылар берлегендә мәшһүр шагыйрә Гөлшат Зәйнашева истәлегенә концерт-багышлау узачак. Бу хакта ТР Язучылар берлеге матбугат хезмәте хәбәр итә.
Бу кичәдә Ләйсән Миннәхмәтова, Гөлназ Рәшитова, Айбулат Харисов, Анна Землякова, Зәлия Әүбәкирова, Сөмбел Харисова, Айзилә Гарифуллина, Диләрә Нәбиуллина, Рөстәм Егоров, Руслан Габбасов катнашачак. Кичә 27 июнь 19.00дә ТР Язучылар берлегендә узачак.
«Гөлшат Зәйнәшева иҗатын үзе исән чагында ук күпләр яратты, аның шигырьләре күп композиторларны илһамландырды һәм, шигебез юк, алга таба да шулай булачак», диелгән хәбәрдә.