Дәүләт Думасы депутаты QR-кодлы пенсионер электрон таныклыгы ничек эшләячәген аңлатты
Дәүләт Думасы депутаты, Дәүләт Думасының кече һәм урта эшмәкәрлек комитеты әгъзасы Алексей Говырин 2025 елның 1 октябреннән QR-кодлы пенсионер электрон таныклыгы кертелә, дип хәбәр итте. Бу турыда ул «RT»га сөйләгән. Бу яңалык гражданнарның ташлама алу статусын раслау ысулын үзгәртәчәк.
«Хезмәт һәм социаль яклау министры хәбәр иткәнчә, электрон форма «Дәүләт хезмәтләре» мобиль кушымтасында булачак һәм анда шәхси белешмәләр урын алачак", – ди Говырин.
Аның сүзләренчә, таныклыкның юридик көче аның нинди форматта – электрон яки кәгазь форматта күрсәтелүенә бәйле түгел. Иң мөһиме – федераль мәгълүмат системасында теркәлгән дөрес мәгълүмат булырга тиеш.
«Льготалар бирүче оешма QR-код күрсәтелгәндә цифрлы канал аша мәгълүматларны тикшерә һәм кирәкле социаль ярдәм чараларын куллана алачак. Шунысын билгеләп үтү мөһим, яңалык гражданның физик документны куллану хокукын гамәлдән чыгармый. Ике формат та бер үк юридик көчкә ия», – дип ассызыклады депутат.