Салават белән Алсу Миңнебаевлар Нурлат Сабан туенда өйләнеште
Нурлат Сабан туенда символик вакыйга – Салават белән Алсу Миңнебаевларның никахын теркәү тантанасы булды. Яшь пар бүгенге тормышта милли традицияләрне саклау һәм популярлаштыруга юнәлтелгән «Этнотуй» проектында катнашты.
Тантана бәйрәмнең төп мәйданында ачык һавада узды һәм бик күп тамашачыларны җыйды. Пар стильләштерелгән татар костюмнары кигән иде. Яшьләр шул рәвешле мәдәни тамырлары һәм Сабан туе рухы белән бәйләнешен ассызыклады.
Яшь гаиләне котларга Нурлат муниципаль районы башлыгы Дамир Ишкинеев һәм Татарстан экология һәм табигый байлыклар министры Александр Шадриков килде.
Сабан туе бәйрәмендә мондый туй үткәрү — яшьләрнең үзләре өчен генә әһәмиятле вакыйга түгел, ә милли традицияләргә, гаилә кыйммәтләренә һәм буыннар дәвамчанлыгына ярдәм итүдә мөһим чара да.
Салават һәм Алсу Миңнебаевлар гаилә тормышын бәйрәм атмосферасында, җылы теләкләр, алкышлар һәм җанлы музыка даирәсендә башлап җибәрде.
Материал Ләйсән Галиева катнашында әзерләнде.