Азнакай районы Мәсгут авылы Сабан туенда ятып кул көрәштерделәр
Азнакай районы Мәсгут авылының Сабан туе мәйданына халык агылды. Бу хакта «Азнакай» сайтында Таңсылу Саниева яза.
Авыл халкын, туган якларын сагынып кайткан якташларны бәйрәм белән котлап, авыл җирлеге башлыгы Илнур Габдрахманов аларның барысына да изге теләкләрен җиткерде.
Бүләкләүләрдән соң Сабан туе мәйданында уеннар башланып китте: берәүләр үзләрен көрәштә сынады, икенчеләр арба этеп йөгерде, катыктан тиен акча эзләде. Шунда ук үзләрен армрестлингта сынаучылар да булды. Кулны алар җиргә ятып көрәштерделәр.
Заһир Имамов көрәш батыры булып танылды.