اکرام الله ګران د پښتو د معاصر دور جدید غزلبول شاعر ګڼل کېږي. د پښتو ادب د کره کتونکیو په وینا د پېښور په خاوره د غزل د بابا حمزه شینواري نه پس چې کومو شاعرانو ښه او معیاري غزل لیکلی په هغو کې یو اکرام الله ګران دی. نوموړی په ادبي دنیا کې د ګران باچا په نوم هم شهرت لري. ګران په ځانګړي اسلوب کې د غزل لیکلو لپاره شهرت لري خو هغه نظمونه، لنډې کیسې او تنقیدي مضمونونه هم لیکلي دي. د اکرام الله ګران د ژوند او کار په اړه نور تفصیل دلته په دې پروګرام کې واورئ:
