Россия Диния нәзарәте Гарәфә көнендә хәрбиләргә Коръән һәм дини әдәбият тапшырды

5 июньдә РФ мөселманнары Диния нәзарәтенең Аксакаллар советы рәисе Дамир Гыйззәтуллин һәм РФ мөселманнары Диния нәзарәте рәисенең Эчке эшләр буенча урынбасары, Россия Саклану министрлыгы каршындагы Иҗтимагый совет әгъзасы Равил Сәйфетдинов 61899нчы хәрби частьнең 27нче аерым гвардия мотоукчылар бригадасы вәкилләре белән очрашты. Бу хакта Россия мөселманнары Диния нәзарәте матбугат хезмәте хәбәр итә.

27нче бригада командиры адресына Россия мөселманнары Диния нәзарәте рәисенең беренче урынбасары мөфти Дамир Мөхетдиновтан Гарәфә көнендә догалы һәм изге теләкләр белән котлаулар тапшырылды.

Мөселман хәрбиләргә Изге Коръән һәм «Мәдинә» нәшрият йорты дини әдәбияты, шулай ук РФ мөселманнары Диния нәзарәте тарафыннан хәрбиләр өчен махсус әзерләнгән һәм нәшер ителгән догалар җыентыклары, РФ мөселманнары Диния нәзарәте тарафыннан Бөек Җиңүнең 80 еллыгына әзерләнгән «1941-1945 еллар Бөек Ватан сугышы геройлары мөселманнары» календарьлары һәм мөселманнарның поход атрибутикасы тапшырылды.