«Татар-информ»да «Яңа исем» иҗади лабораториясе турында сөйләшәчәкләр
9 июньдә, 13:00 сәгатьтә, «Татар-информ» мәгълүмат агентлыгында яшь язучылар өчен «Яңа исем» иҗади лабораториясенә багышланган матбугат конференциясе була.
Чарада Татарстанның халык шагыйре Равил Фәйзуллин, проект җитәкчесе, «Казан утлары» журналының баш мөхәррире Рөстәм Галиуллин, остаз, «Казан утлары» журналының җаваплы сәркатибе Ландыш Әбүдәрова, проектта катнашучы, Казан (Идел буе) федераль университеты Социаль фәлсәфи фәннәр һәм массакүләм коммуникацияләр институты журналистика һәм массакүләм коммуникацияләр югары мәктәбе яңа милли медиа юнәлешенең 1 курс студенты Таңчулпан Гыйлаҗева, проектта катнашучы, Казан (Идел буе) федераль университеты Филология һәм мәдәниятара багланышлар институтының 2 курс студенты Ихтыяр Кыямов катнаша.
«Татар-информ» мәгълүмат агентлыгының татар сайтында матбугат конференциясенең онлайн трансляциясе күрсәтеләчәк.