«Бердәмлек» газетасы Самарада «Матбугат-2025» фестивалендә катнаша
7 июньдә Самараның Струков бакчасында Ватанны саклаучылар елына багышланган ХХХ «МАТБУГАТ-2025» массакүләм мәгълүмат чаралары фестивале узачак. Бу хакта «Самар татарлары» сайты хәбәр итә.
Фестивальдә әйдәп баручы газеталар, журналлар, телерадиокомпанияләр, радиостанцияләр редакцияләре, шулай ук интернет-басмалар, матбугат хезмәтләре, ведомстволар, студентлар һәм мәктәпләр массакүләм мәгълүмат чаралары катнашачак.
«Бердәмлек» газетасы редакциясе дә, «Самар татарлары» медиа-холдингы белән берлектә, фестивальдә үзенең интерактив мәйданчыгын тәкъдим итәчәк.
Кунакларыбызны «Идел» ансамбле чыгышы, татар гармуны көенә биюләр, балалар һәм өлкәннәр өчен конкурслар һәм уеннар, милли орнамент ясау буенча мастер-класслар һәм, иң мөһиме, яраткан газетагызда эшләүче редакция коллективы белән танышу көтә.
Биредә «Бердәмлек» газетасына язылырга, газетабызның киләчәге һәм татар телебезне саклау мөһимлеге турында видео-интервью яздыруда катнашырга мөмкин булачак.
Хөрмәтле милләттәшләребез, сезне 12.00 сәгатьтә 19 санлы мәйданчыкта көтәбез, диелә хәбәрдә.