Миңнеханов казанлылар белән аралашты һәм Бауман урамында төзелеш объектларын тикшерде
Татарстан Республикасы Рәисе Рөстәм Миңнеханов бүген Казанда төзелә торган объектлар белән таныша. Бауман урамы шундый беренче нокта булды, анда республика лидеры эш барышын тикшереп кенә калмады, ә Казан халкы белән аралашты һәм алар белән истәлеккә фотога да төште.
Әлеге кадрлар ТР Рәисе матбугат хезмәте җитәкчесе Лилия Галимованың Телеграм-каналында чыкты. Ул видео астына болай дип язган:
«Монда соңгы тапкыр кайчан булганымны хәтерләмим дә», – дип уйга бирелде Рөстәм Миңнеханов. Бүген республика Рәисе төзелеш объектлары белән таныша. Беренче нокта - Бауман урамы».