Мәскәү Сабан туе 5 июльдә «Коломенское» музей-тыюлыгында узачак
«Мәскәү Сабан туе» оештыру комитеты рәисе Фәрит Фарисов быел җәен бәйрәм кунакларын нәрсәләр көтәчәге турында хәбәр итте. Ул бу хакта башкаланың Милли сәясәт һәм төбәкара элемтәләр департаменты ярдәмендә узачак чараларга багышланган матбугат конференциясендә сөйләде. Бу хакта Мәскәү татарлары автономиясе хәбәр итә.
«Сабан туе – татар һәм башкорт халкының мәдәни мирасын саклаучы һәм алга таба тапшыручы традицион бәйрәм. Әлеге масштаблы фестиваль шәһәр мохитендә ел саен уза. Вакыйга кунакларга башкала халыкларының мәдәни һәм милли традицияләренең байлыгы һәм уникальлеге белән танышырга мөмкинлек бирә.
Быел бәйрәм 5 июльдә «Коломенское» музей-тыюлыгында узачак. Көндезге бай көн тәртибенннән соң бәйрәм яшьләр өчен төнге программа белән дәвам итәчәк. Анда милли мәдәният, музыка һәм яхшы кәеф берләшәчәк», — дип уртаклашты Фәрит Фарисов.