Якутиядә Татарстанда төшерелгән фильмнар күрсәтеләчәк
Саха Республикасында (Якутия) үтәчәк Федераль сабантуй программасы кысаларында Татарстанда төшерелгән фильмнар күрсәтеләчәк.
«Татарстан киносы көннәре 12 июньдә ачыла. Фильмнар Якутскның «Лена» кинотеатрында күрсәтелә. Соңыннан режиссерлар һәм продюсерлар белән очрашулар да планлаштырылган», дип хәбәр итә «Татаркино»ның матбугат үзәге.
Программада - «Гашыйклар тавы», «Телсез күке» һәм «Я приду» фильмнары. «Гашыйклар тавы», «Телсез күке» рус телендә субтитрлар белән татар телендә күрсәтеләчәк.
Шулай ук Салават Юзеев, Миләүшә Айтуганова һәм Булат Сабитов белән иҗади очрашулар каралган.