«Геройлар янәшә» бәйгесендә җиңүгә лаек булучыларның төп исемлеге чыкты

2024 елның 12 ноябрендә Республика матбугат һәм массакүләм коммуникацияләр агентлыгы тарафыннан патриотик юнәлештәге «Геройлар янәшә» - «Герои рядом» ачык әдәби конкурсы игълан ителгән иде. Бәйгегә эшләр 2024 елның 12 ноябреннән 2025 елның 30 апреленә кадәр кабул ителде. Бу хакта Республика матбугат һәм массакүләм коммуникацияләр агентлыгының матбугат хезмәте хәбәр итә.

Конкурска барлыгы 136 эш килгән, шуларның 14е бәйге нигезләмәсенә туры килмәү сәбәпле кире кагылган. 95 эш модерацияне уңышлы узган һәм конкурс комиссиясе каравына кабул ителгән. Әлеге эшләр бәйге комиссиясе каравына авторлар турында мәгълүматларны күрсәтмичә тапшырылган. Конкурс комиссиясе эше йомгаклары буенча иң күп балл җыйган эшләр исемлеге төзелде.

Бәйге исемлегенә кергән эшләрнең авторлары алвафит тәртибендә күрсәтелгән.

Татар телендәге «Повесть» номинациясендә:

• Бәдретдинов Р. «Томан тозагында»
• Диндаров И. «Хәрби исеме - Такташ»
• Закирова Г. «Энекәш»
• Хөснетдинов З. «Какул»
• Шакирова Ф. «Җиңеп кайт, улым!»
• Йосыпова А. «Укчы юлы»

Татар телендәге «Хикәя» номинациясендә:

• Галиева А. «Позывной «Көтүче»
• Гыйльманов Г. «Китәр өчен кайту»
• Зәкиева Г. «Ташлап китмә мине»
• Кыямов И. «Сыерчык оясы»
• Макарова В. «Ут»
• Сафин Ф. «Рәсемле хат»

Татар телендәге «Поэма яки шигырьләр циклы» номинациясендә:

• Гаптуллин Н. Шигырьләр циклы («Безнең җир ул безнеке», «Гасыйм белән Касыйм сөйләшә», «Йолдызлар», «Архивтан», «Соң тусам да», «Җиңү көнендә уйлану»)
• Җиһаншина Р. Шигырьләр циклы «Чат өермә җанда. Давыл-давыл»
• Фатыйхов И. «Ышаныч»
• Хәйруллина Г. «Лачыннарга мәдхия»
• Шаһиев Р. Шигырьләр циклы («Язлар сары түгел... »)
• Якупова С. Шигырьләр циклы («Хәбәрсез югалган - үлмәгән...»)

Татар телендәге «Очерк» номинациясендә:

• Гайнуллина Л. «Чегән әйткән юш килде»
• Гәрәева А. «Күзләремнең нуры идең, Илнурым...»
• Гарифуллина Г. «Мин туганым янында булырга тиеш»
• Зәкиева Г. «Әни, мин кайттым»
• Нәкыйпова Л. «Көшкәтбаш бөркете»
• Нургалиева Л. «Ватан улы»