Ильяс Камал «Татар-информ» турында: Һәр рубрикада үз эшен яхшы белгән журналист эшли
Татарстан Композиторлар берлеге рәисе Ильяс Камал «Татар-информ» мәгълүмат агентлыгын 35 яшьлеге белән котлады.
«Татар-информ» – республикабыз тормышының барлык юнәлешләрен яктыртучы иң оператив һәм иң профессиональ матбугат чарасы», – диде.
Ул агентлык үсешендә хезмәткәрләрнең зур роль уйнаганын билгеләп узды. «Тормышның кайсы өлкәсен алсак та – икътисадмы, сәясәтме, мәдәният, мәгариф, динме – һәркайсына кагылышлы яңалыклар күпләп чыгып бара. Һәр рубрикада үз эшен яхшы белгән журналист эшли. Шулай ук, мәгълүмат агентлыгы тарафыннан бик күп кызыклы проектлар да оештырылып килә», – дип искәртте Ильяс Камал.
«Татар-информ»га озын гомер һәм республикабыз тормышын яктыртуда актив эшчәнлек теләп калам», – диде.
- 1990 елның 6 июнендә КПССның Татарстан өлкә комитеты бюросы хуҗалык исәбендә эшли торган мәгълүмат агентлыгы оештыру турында карар кабул иткән.
- Документны өлкә комитетының ул вакыттагы беренче секретаре Минтимер Шәймиев имзалаган.«Татар-информ» СССР вакытында һәм Россия Федерациясендә төбәкнең беренче мөстәкыйль мәгълүмат агентлыгы булды.
- Күп еллар дәвамында агентлык иң еш искә алына торган матбугат чаралары рейтингында алдынгы урында.