Кыргызстанда инфляция деңгээли өсүүдө
Кыргызстанда инфляциянын жүрүшү ылдамдады. Улуттук банктын май айындагы маалыматын карасак, инфляциянын деңгээли 7,1% болуп турат. Апрель айында анын көрсөткүчү 6,9% болчу. 2024-жылдын май айында инфляция 5,2% түзүп турган.
Бул 2023-жылдын декабрынан (7,3%) берки эң жогорку көрсөткүч болууда.
Trading Economics аналитикалык ресурсу жазгандай, Кыргызстандагы инфляциянын ылдамдашына турак жай менен коммуналдык кызматтарга (10,8%) жана тамак-аш менен алкоголсуз суусундуктарга (8,5%) баанын өсүшү түрткү берүүдө.
Бирок анын жалпы өсүшүн саламаттык сактоо, кийим-кечек, транспорт жана үй-тиричилик буюмдарынын арзандашы бир аз жайлата алган.
Керектөө бааларынын индекси апрель айында 0,4% болду. Мартта анын көрсөткүчү 0,2% болчу.