Казан – Боровое Матюшино трассасының бер өлешен реконструкцияләүгә 463 млн тотылачак
Татарстанның Лаеш районында Казан – Боровое Матюшино трассасын реконструкцияләү башлана. Бу эшләрне башкару өчен республика бюджетыннан 463,3 млн сум акча бүлеп бирелгән. Тиешле тендер дәүләт сатып алулары сайтында чыккан.
Юлның 6 километр озынлыктагы өлеше реконструкцияләнәчәк. Төп төзелеш эшләре башланыр алдыннан белгечләр проект эшләре, шул исәптән инженер-геодезия, геологик, экологик һәм археологик эзләү эшләре башкарачак.
Заказчы – «Главтатдортранс», эшләрне быелның ноябрь ахырына кадәр төгәлләү планлаштырыла.