Махсус операция катнашучыларына һәм ветераннарына судтан тыш банкротлык хокукы бирелде
Россия Президенты Владимир Путин махсус операция катнашучыларына һәм ветераннарына судтан тыш банкротлыктан файдалану хокукы бирә торган закон имзалады. Әлеге документ хокукый мәгълүмат рәсми порталында чыккан.
Махсус операция катнашучылары һәм ветераннары хәрби операциядә катнашуларын Россия хөкүмәте раслаган форма буенча исбатлап, бу процедурадан файдалана ала.
«Банкротлык турында» законга кертелгән төзәтмәләр башкаручыга куелган таләпләрнең өлешчә үтәлүе яки үтәлмәве башкарма документ булганда банкротлык игълан итәргә хокук бирә. Документ судтан тыш банкротлык турында гариза бирүгә бер ел кала бирелгән булырга тиеш.
Процедура түләтелергә тиешле мөлкәт булмаганда кулланыла, ә бурыч суммасы 25 меңнән 1 млн сумга кадәр булырга тиеш. Шартларны үтәүне контрольдә тоту Суд приставлары федераль хезмәтенә йөкләнгән.