Татарстанда 2 меңнән артык кеше азмобиль гражданнарны тәрбияләү кагыйдәләренә өйрәнде

Татарстанда «Гаилә» илкүләм проекты кысаларында «Тернәкләндерү һәм тәрбия мәктәбе» стационарны алмаштыру технологиясен үстерү дәвам итә. Укыту программалары Халыкка социаль ярдәм күрсәтү буенча комплексы үзәкләр базасында уздырыла.

2025 елның гыйнвар – май айларында 1066 социаль хезмәткәр, шулай ук өлкән яшьтәге туганнарын һәм инвалид кешеләрне тәрбияләүче 979 кеше укыган. Дәресләр расланган график буенча төркем форматында да, индивидуаль формада да узган.

Дәресләр вакытында укучылар үз-үзеңә хезмәт күрсәтү дефициты булган кешеләрне тәрбияләү үзенчәлекләренә, тернәкләндерүнең техник һәм ярдәмче чараларын кулланырга, шулай ук өйдәге пространствоны оештырырга, психологик сәламәтлекне сакларга өйрәнгән.

Проект азмобиль кешеләрнең тормыш сыйфатын гына түгел, ә аларның гаиләләренекен дә яхшырта, тәрбияләүгә карашны үзгәртә, өй шартларында нәтиҗәле тернәкләнү өчен шартлар булдыра.

Искәртеп үтик, 2025 елдан Россиядә барлык өлкәләргә дә кагыла торган яңа илкүләм проектлар эшли башлады. Быел Татарстанда аларның унбере: «Гаилә», «Яшьләр һәм балалар», «Озын һәм актив гомер», «Яшәү өчен инфраструктура», «Экологик иминлек», «Кадрлар», « Нәтиҗәле конкурентлыкка сәләтле икътисад», « Технологик яктан азык-төлек куркынычсызлыгын тәэмин итү», «Туризм һәм кунакчыллык», «Белешмәләр икътисады һәм дәүләтнең цифрлы үсеш-үзгәреше» һәм « Пилотсыз авиация системалары» проектлары тормышка ашырылачак.