Татарстан юлларында 377 мең кв. метр мәйданда чокырлар ремонтланган
Татарстанда төбәк автомобиль юлларында чокырларны ремонтлау дәвам итә. Бүгенгә эшләр 377 мең кв. метрдан артык мәйданда башкарылган. Бу хакта ТР Транспорт һәм юл хуҗалыгы министрлыгы матбугат хезмәте хәбәр итә .
«Эшләр 9 мең кв. метрдан артык мәйданда салкын асфальт, 283 мең кв. метрдан артык мәйданда кайнар асфальт белән башкарылды», - дип билгеләп үттеләр министрлыкта.
Асфальт-бетон катнашмасы ярдәмендә 30 мең кв. метрдан артык мәйданда кимчелекләр бетерелгән. Агымлы-инъекцион ысул белән 23 мең кв.метрдан артык участок ремонтланган.