Казахстанда Башкорт драма театрының гастрольләре аншлаг белән узган
Казахстанда Мәҗит Гафури исемендәге Башкорт академия драма театрының гастрольләре узган. «Жастар» яшьләр театры сәхнәсендә Башкортстан актерлары Таңчулпан Гарипованың повесте буенча куелган «Бөйрәкәй / Буренушка» һәм Мәҗит Гафури повесте буенча театрның баш режиссеры Айрат Абушахманов куйган «Кара йөзләр» спектакльләрен тәкъдим иткән. Ике спектакль дә аншлаг белән узган. Бу хакта Башинформ хәбәр итә.
Гастрольләр ябылу көнендә Мәҗит Гафури исемендәге Башкорт академия драма театры директоры Иршат Фәйзуллин «Жастар» театры коллективына Башкортстан Республикасы Мәдәният министрлыгының рәхмәт хатын тапшырган.