Миңнеханов «Изге Болгар җыены»нда Татарстан диннәренең бердәмлеген билгеләп үтте
«Изге Болгар җыены» тантаналы чарасында 25 мең кеше катнаша. Бу хакта Татарстан Рәисенең матбугат хезмәте башлыгы Лилия Галимова Телеграм-каналында хәбәр итте.
«Изге Болгар җыены» ел саен уза һәм бөтен илдән меңләгән дин тотучыларны һәм кунакларны җыя.
Татарстанның төрле дин тотучылары һәрвакыт бер-берсенә ярдәм итә, дип билгеләп үтә Рөстәм Миңнеханов Телеграм-каналда урнаштырылган видеода. «Сез – безнең бәйрәмнәрдә, без – сезнең бәйрәмнәрдә. Күпләр моңа гаҗәпләнә, ә безнең өчен бу – нормаль тормыш рәвеше», - дип өстәде Миңнеханов.
Элегрәк «Татар-информ» хәбәр иткәнчә, Болгарда Идел буе Болгар дәүләтендә рәсми рәвештә Ислам динен кабул итүгә багышланган «Изге Болгар җыены» тантаналы бәйрәме башланды. Кече манара янында бөтен Россиядән меңләгән мөселманнарны җыйган «Тәүбә» догасы яңгырады.
Видео: Лилия Галимованыж телеграм-каналыннан