Гурбангулы Бердымөхәммәдов Яңа Камал театрына көтелмәгән визит ясады
Төрекмән халкының милли лидеры, Төрекмәнстан Халк Мәсләхәте рәисе Гурбангулы Бердымөхәммәдов кортежы Г.Камал исемендәге Татар дәүләт академия театрының яңа бинасы янында көтелмәгән тукталыш ясады. Бу хакта ТР Рәисе матбугат хезмәте җитәкчесе Лилия Галимова Телеграм-каналында хәбәр итә.
Казандагы бай программадан соң аэропортка бара торган кортеж заманча театр комплексына таба борылды – Бердымөхәммәдов Татарстанның яңарып килүче мәдәни башкаласының символына әверелгән бинаны шәхсән күрергә теләк белдерде. Кунакны алкышлар белән каршы алдылар.
«Мондый тамашачыларны монда, әлбәттә, көтмәгәннәр иде!» – диде Лилия Галимова.