Зәйдә чыгарылыш сыйныф укучылары инша өчен “зачет” алды
Билгеле булганча, быел XI тәмамлаучылар беренче тапкыр инша һәм изложение язып сыналды. Зәйдә барлыгы 187 чыгарылыш сыйныф укучысы инша, 2 укучы изложение язды. Бу көннәрдә барлык эшләр тикшерелеп нәтиҗәләре билгеле булды. Һәр эш тә “зачет” дип бәяләнде, димәк чыгарылыш имтиханнарына Зәйдә барлык укучылар да кертелә дигән сүз. Инша язучыларның 54,9 проценты “Мәхәббәт кешедә нинди сыфатларны ача” дигән темага иҗат эше башкарган. 17,8 проценты “ Сез, тормыш юлы һәрвакыт сайлаулардан тора, дигән фикер белән килешәсезме?” дигән темага инша язган.