Эчлекле катлама
1 кап катлы камыр, 2 пешкән тавык түше, 200 г шампиньон гөмбәсе, 2 суган, тоз, борыч.
Майлау өчен 1 йомырка.
Кыздыру өчен үсемлек мае.
Тавык итен вак итеп турарга. Вак итеп туралган шампиньон гөмбәсен һәм суганны үсемлек маенда кыздырырга, тоз сибәргә. Иткә салып болгатырга һәм суытырга.
Эретелгән камырны җәеп, турыпочмаклыклар кисәргә. Җәемнең яртысына итле эчлек салып, кырыйларына су тидерергә. Итне җәемнең икенче яртысы белән каплап, кырыйларын беркетергә һәм майланган йә махсус кәгазь җәелгән табага тезәргә. Катламнарны тугланган йомырка белән майлап, 220 градуска җылытылган духовкада 20 минут пешерергә.