Лилия Әгъләмова республика бәйгесендә икенче урынны яулады
Россия Пенсия фондына 25 ел тулу уңаеннан шәһәр һәм районнарда эшләүче пенсия фонды бүлеге хезмәткәрләренең һөнәри осталыгын һәм халык белән эшләүдә үзара яхшы мөнәсәбәт урнаштыра белү үзенчәлеген үстерү максатында “Россия Пенсия фондының Татарстан Республикасы буенча иң яхшы белгече – 2015” бәйгесе үткәрелде. Бәйге ел дәвамында өч этапта узды, анда катнашучы белгечләр тест сорауларына җавап бирү, документация эшләрен төгәл белү, законнардагы яңалыкларны халыкка аңлату көч сынаштылар. Бәйгедә 38 хезмәткәр катнашты. Безнең район данын пенсия фонды идарәсенең бүлек башлыгы Лилия Әгъләмова яклады. Финалга чыккан биш кеше арасында ул икенче урынны алуга иреште. Аны әлеге җиңүе белән бу көннәрдә коллектив, идарә башлыгы Ринат Рәхмәтуллин тәбрикләде.