Дар 3 моҳ аз ҳисоби ҷаримаҳо ба будҷа $12,5 млн ворид шудааст
Буҷаи Тоҷикистон дар се моҳи аввали соли равон аз ҳисоби ҷаримаҳо даҳҳо миллион сомонӣ, дарёфт кардааст.
Бар асоси як санади Вазорати молия, ки Радиои Озодӣ шинос шуд, дар моҳҳои январ-марти имсол, аз ҳисоби ҷаримаҳо ба буҷаи кишвар 129,5 миллион сомонӣ ё 12,5 миллион доллар ворид шудааст.
Ин маблағ аз пешбинии мақомот 27 миллион сомонӣ бештар будааст.
Маълум нест, ки дар семоҳаи аввали имсол сокинон бештар барои кадом қонуншиканӣ ҷарима шудаанд.
Аҳолӣ, бахусус ронандагон, борҳо аз ҷаримаҳои зиёд ва ҳангуфт шикоят кардаанд.