ЮЛЛАРДА САК БУЛЫГЫЗ: ТОМАН, ЯҢГЫР, ЮЕШ КАР...
Татарстан Гидрометеорология һәм әйләнә-тирә мохитне күзәтү идарәсе мәгълүматларына караганда, бүген – 21 декабрьдә, һава торышының берникадәр бозылу ихтиамлы бар. Синоптиклар фаразына караганда, бүген көн дәвамында – кичке сәгать 6га кадәр Татарстан районнарында начар метеорология шартлары үзен сиздерергә мөмкин. Төнлә төшкән томан иртәнге сәгатьләрдә дә саклана. Томан вакытында күз күреме 500 метрдан да кимрәк булачак. Көндез юлларда бозлавык саклана. Урыны белән кар, көн уртасына таба юеш кар һәм яңгыр явачак. Җил көньяк-көнбатыштан исә – талгын.
Татарстанда бүген көндезге сәгатьләрдә 0-5 градус салкын булачак. Зәйдә -3 градус салкын.