Калифорниянын бийлиги токой өртүнөн улам Лос-Анжелесте чукул кырдаал тартибин киргизди. Жергиликтүү тургундарга коопсуз жерлерге көчүү көрсөтмөсү берилди. Өрт өчүрүүчүлөр тилсиз жоо менен алпурушуп жатат.
AP агенттиги өрт шейшембинин кечинде шаардын түндүк-чыгышында, коруктун жанында тутанганын, кургак аба ырайынан жана шамалдан улам тез жайылып кеткенин маалымдады.
Өрт Голливуддун жылдыздары жана америкалык саясатчылар жашаган океан жээгиндеги Пасифик-Палисейдс районун да чалды.
Бийлик канча турак жай күйгөнүн айткан жок, 13 миң имаратка коркунуч жаралганын, 30 миңдей киши эвакуацияланганын билдирген.
Шаардын Өрт өчүрүү кызматынын башчысы Кристин Кроули шашылыш эвакуация башаламандык менен коштолгонуна карабай жабыркагандар тууралуу кабарланбаганын айтты.
АКШнын Улуттук метеорологиялык кызматы айрым райондордо шамал катуу болорун эскертти.
