Казан 2025 елда карны чистартуга һәм эретүгә 175 млн сум юнәлдерәчәк
Казанда стационар кар эретү пунктларында карны җыю һәм утильләштерү 2025 елда 175 млн сумга төшәчәк. Бу хакта Дәүләт сатып алулары порталында тендерда белдерелә.
Контракт нигезендә, 1 тонна карны кабул итү һәм утильләштерү 250 сум тора. Эш өзлексез һәм тәүлек буе башкарылырга тиеш. Подрядчикка объектларны авариясез эксплуатацияләүне, аларның өзлексез эшләвен, шулай ук хезмәт күрсәтүләрнең, җиһазларның, системаларның һәм җайланмаларның югары сыйфатын контрактның бөтен срогы дәвамында — 2025 ел ахырына кадәр тәэмин итәргә кирәк була.
Әгәр кар күләме күп булса, башкаручы, камера янындагы территорияләрдә массаларны вакытлыча туплауны тәэмин итеп, техниканың туктап торуын булдырмаска тиеш. Китерелә торган кар зур чүп-чардан, җайланмаларга зыян китерергә мөмкин булган чит әйберләрдән чистартылырга тиеш.