Теннистен Қазақстан құрамасы United Cup турнирінің жартылай финалына өтті

Австралияда өтіп жатқан United Cup командалық турнирінде Қазақстан құрамасы ширек финалда Германияны жеңіп, жартылай финалға шықты. Қазақстан құрамсының лидері Елена Рыбакина (әлемнің 6-ракеткасы) германиялық Лаура Зигмундты (80) екі сетте жеңді - 6:3, 6:1. Александр Шевченко (78) Даниел Масурдан (254) басым түсті - 6:7 (5:7), 6:2, 6:2.


Енді Қазақстан жартылай финалда Польша құрамасымен ойнайды. Польшаның намысын бұл турнирде Ига Швентек (2) пен Хуберт Хуркач (16) бар.


Қазақстан топтық кезеңде Испанияны 2:1, Грекияны 3:0 есебімен жеңген. Құрама сапында Елена Рыбакина, Александр Шевченкодан бөлек Жібек Құламбаева, Александр Недовесов, Дмитрий Попко ойнап жатыр.