Татарстанда буран һәм күз күреме начарлануы турында кисәттеләр
Татарстанда бүген төнлә һәм 2 гыйнварда көндез көчле җил фаразлана, урыны белән аның тизлеге 15-20 метрга, ә Казанда 15 метрга кадәр җитәргә мөмкин. Бу хакта Татарстан Гидрометеорология һәм әйләнә-тирә мохитне күзәтү үзәгендә хәбәр иттеләр.
Шулай ук республика территориясендә буран көтелә, ул вакытта күз күреме 1000 метр һәм аннан да кимрәк булырга мөмкин. Шулай ук Казанда да төнлә һәм иртән буран фаразлана. Юлларда – бозлавык.
2025 елның беренче атнасында Татарстанда буран һәм һава температурасы төшүе көтелә, дип хәбәр ителгән иде.