Илимдер академиясынын кызматкерлеринин айлыгы эки эсеге чейин көтөрүлөт
"Академия мамлекеттин интеллектуалдык флагманы болушу керек", - деген президент эми кызматкерлердин айлыгы көтөрүлөрүн жарыялады.
Улуттук илимдер академиясы бир нече илимий институттан турат. Мекеме өткөн кылымдын 50-жылдарында негизделген.
2023-жылдагы маалымат боюнча, академияга караштуу 20 илимий мекеме бар. Жалпы 1 575 киши эмгектенсе, анын 880ден көбү илимий кызматкер. Кыргызстан эгемендик алгандан кийин ага улуттук деген макам берилген. Коомчулукта академияны реформалоо зарыл деген пикирлер айтылып келет.