Бүген Татарстан Министрлар Кабинетында үткән брифингта Татарстан Республикасы Транспорт һәм юл хуҗалыгы министры Фәрит Хәнифов билгеләвенчә, зур йөк машиналары бозган юлларны тиз темпта ремонтларга кирәк.
«Зур йөк машиналары бозган юлларны тиз темпта ремонтларга кирәк. Интенсив эксплуатация безгә тиз темплар белән, нибары бер-ике елда аларны ремонтларга, норматив хәлгә китерергә кирәклеген күрсәтә. Бу да зур эш күләме, аны үзебезнең дәүләт юл хезмәте аша үткәрәчәкбез», — диде Фәрит Хәнифов.
Шулай ук брифингта, быел Татарстанда юл эшләрен финанслау күләме якынча 83 миллиард сумны тәшкил иткәнен хәбәр иттеләр. Шуларның 9 миллиард сумы — федераль бюджеттан булган акчалар хисабына.
«Татарстан яхшы юл-транспорт инфраструктурасына ия булды. Яңа юллар киләсе 10 елда транспорт инфраструктурасын үстерүне таләп итәчәк. Без юлларыбызда хезмәт күрсәтү өлкәсе үсешен көтәбез – бу заправкалар, туклану пунктлары, ял итү зоналары һәм парковкалар», – диде Фәрит Хәнифов.
Шулай ук Хәнифов билгеләп үткәнчә, республика юл объектларын тапшыру буенча уникаль рекордка кереп бара.
