Казан халкы һәм кунаклары 14 гыйнварда ТР Милли музеена һәм аның филиалларына бушлай бара алачак. Акцияне 7 гыйнвардан бәйрәмнәрдән соң беренче сишәмбегә күчерделәр.
Бу көнне түләүсез килүчеләрне Татарстан Республикасы Милли музее (Кремль ур., 2); А.М.Горький һәм Ф.И.Шаляпин музее (Горький ур., 10); Е.А.Боратынский музее (Горький ур., 25/28); В.И.Ленин музей-йорты (Ульянов-Ленин ур., 58); Габдулла Тукай әдәби музее (Тукай ур., 74); 1941-1945 еллар Бөек Ватан сугышы музей-мемориалы (Кремль, Шейнкман тыкрыгы, 12); Шәриф Камал хәтирәләр фатиры белән татар әдәбияты тарихы музее (Островский ур., 15); Каюм Насыйри музее (Париж Коммунасы ур., 35); Муса Җәлилнең музей-фатиры (Горький ур., 17, 28 нче квартал); композитор Нәҗип Җиһанов музее (Малая Красная ур., 14); Л.Н.Толстой музее (Япеев ур., 15) кабул итәчәк.
Экскурсияләр, мастер-класслар һәм музей программалары өчен бәяләр исемлеге буенча түләнә. Тулырак мәгълүматны +7(843)590-00-50 телефоны аша белергә була, дип хәбәр иттеләр Республика Милли музееның матбугат хезмәтендә.
