Тверь янындагы «Межурка» коммерцияле булмаган бакчачылык һәм яшелчәчелек ширкәте территориясендәге шәхси йортта дүрт баланың мәете табылган. Бу хакта Тверь өлкәсе прокуратурасы матбугат хезмәте хәбәр итте.
«Калинин муниципаль округындагы «Межурка» коммерцияле булмаган бакчачылык һәм яшелчәчелек ширкәтендә урнашкан шәхси йортта дүрт бала мәете табылу турында хәбәр булу сәбәпле, Тверь өлкәсе прокурорының беренче урынбасары Евгений Денисов урынга барды», – диелә хәбәрдә.
Фаҗиганең барлык шартларын тикшерү контрольгә алынды, дип ассызыкладылар прокуратурада. Урынга шулай ук тикшерүчеләр һәм криминалистлар килгән.
